კომპლექსური დავალება. მე-9 კლასი,  II სემესტრი. პირობა და I ეტაპი.

საკვანძო შეკითხვა - როგორ წარმოვადგინო პოსტერში,  დინამიკის კანონების  ცოდნით, ხელოვნური თანამგზავრების მოძრაობის პარამეტრები.

თანამედროვე სამყაროში ხელოვნური თანამგზავრების გარეშე ცხოვრება წარმოუდგენელია. დედამიწის ხელოვნური თანამგზავრების საშუალებით ვაკვირდებით უამრავ მოვლენას დედამიწასა და ღია კოსმოსში,  ვიგებთ ამინდის პროგნოზს, ვუღებთ დედამიწის სხვადასხვა წერტილს სურათებს, გვაქვს ტელე- და რადიოკავშირი, თანამგზავრების საშუალებით გადაეცემა სიგნალი მობილური ტელეფონებით კომუნიკაციისას. 

ზოგიერთი თანამგზავრი ისე ბრუნავს, რომ იგი დედამიწის სულ ერთი და იმავე წერტილის თავზე იმყოფება. მათ გეოსტაციონარულ სადგურებს უწოდებენ. გეოსტაციონარული სადგურები  შესაძლებელია გამოყენებულ იქნას დედამიწის გარკვეული ტერიტორიის დასაზვერად, ამიტომ მნიშვნელოვანია მათი სწორი განლაგება და დედამიწის გარშემო ბრუნვის მახასიათებელი სიდიდეების (ბრუნვის პერიოდი, სიხშირე, სიჩქარე, დედამიწის ზედაპირიდან დაშორება) სწორი შერჩევა.

თქვენი დავალებაა, შექმნათ პოსტერი, სადაც ასახავთ  დედამიწის ხელოვნური თანამგზავრის ბრუნვის მახასიათებელ პარამეტრებს და იმსჯელებთ გეოსტაციონალური სადგურის მოძრაობაზე დედამიწის  გარშემო. 

პოსტერში ხაზგასმით წარმოაჩინეთ: კრიტერიუმებს მოგაწოდებთ მეორე ეტაპზე, რესურსებთან და დაველებებთან ერთად.

 

ეტაპი I – კომპლექსური დავალების პირობის გაცნობა

რესურსი 1. მაგალითი განხილვისათვის  - სულ  11 წთ ვიდეორგოლი. #ახალიდღე ცხოვრება საერთაშორისო კოსმოსურ სადგურზე - რუბრიკა #მეცნიერება

https://youtu.be/FI1OQV2b0LI

რესურსი 2.  როგორ შევქმნათ პოსტერი (1).docx

რესურსი 3. პოსტერების  სხვადასხვა ვარიანტები საძიებო ფრაზა „physics posters“

 

რესურს 1 -ზე დაყრდნობით,  გთხოვთ, გაეცნოთ დედამიწის ხელოვნურ თანამგზავრში, საერთაშორისო კოსმოსური სადგურის (სკს) ბორტზე გადაღებულ ვიდეორგოლს და დააკვირდეთ მიმდინარე მოვლენებს.

კომპლექსური დავალების პირობის გააზრებაზე ორიენტირებული შეკითხვები:

სკს (რესურსი 1) 

·        რას წარმოადგენს საერთაშორისო კოსმოსური სადგური?

·        რითი განსხვავდება  წყლის გადმოსხმის პროცესი დედამიწაზე, კოსმოსურ სადგურზე დამზერილისგან?
·        რატომაა პიცის ჭამა დიდი გამოწვევა საერთაშორისო კოსმოსურ სადგურზე?
·        რატომ აქვთ პილპილი და მარილი თხევად მდგომარეობაში?
·        რატომაა ასტრონავტების დღის რეჟიმის მნიშვნელოვანი კომპონენტი ვარჯიში?
·        რითი განსხვავდება ასტრონავტების „სიარული“ კოსმოსურ სადგურზე, დედამიწაზე სიარულისაგან?
·        იგრძნობენ თუ არა ასტრონავტები დედამიწაზე დაბრუნებისას დისკომფორტს?
·        როგორია გართობა საერთაშორისო კოსმოსურ სადგურზე?

·        რატომაა რთული დაძინება საერთაშორისო კოსმოსურ სადგურზე?

პოსტერი (რესურსი 2 და 3) 

·        შეგიქმნიათ თუ არა პოსტერი? 
·        რა უნდა ვიცოდეთ პოსტერის  შესაქმნელად? 
·        რა ნაბიჯების გადადგმა მოგიწევთ პოსტერის შესაქმნელად? 

·        როგორ ავსახავთ პოსტერში  კოსმოსური სადგურის მოძრაობის პარამეტრები?

კომპლექსური დავალება

·        თქვენი სიტყვებით ჩამოაყალიბეთ, რას შეეხება დღეს მოცემული დავალება, რომელზეც რამდენიმე გაკვეთილის განმავლობაში უნდა იმუშაოთ?
·        მსგავსი ფორმის, ან შინაარსის დავალება სხვა დროს თუ შეგისრულებია?